2025-06-13 28Hse Editor
現年34歲的KOL 「五索」（原名鍾睿心，Rachel），平時係社交媒體平台自稱貴婦，大曬名牌及奢華生活，又拍檔林作裕美拍攝騎呢搞笑片，常有出位言論。她日前被傳媒踢爆是66歲大生銀行主席及大生地產副主席馬清鏗小三，接受傳媒訪問時承認小三身份，更揚言「小三比正宮更有錢」。
有報道稱Rachel已成為百億富豪「小三」長達九年，為富豪生下4個兒女。Rachel亦坦言知男方有老婆，自己甘願為錢做「小三」，曾自爆獲男友贈送市值9千萬嘅麥當勞道豪宅，從其曬出照片可見，豪宅大廳頗為寬敞，小朋友玩樂空間充足。
據報道稱Rachel自細住喺大埔嘅唐樓，立志要成為有錢人，專黐有錢人做朋友，揀男友更係以對方身家過億為標準，有傳Rachel喺18歲嗰陣曾同富二代結婚，後嚟帶埋阿仔離開。Rachel盛傳喺「富豪飯局」識到富豪男友馬清鏗，Rachel搬進山頂豪宅，搖身一變成為身家過億「闊太」。
林作曾在片中爆料，指自己自從擔當Rachel的顧問後，已生活無憂，因為只是幫她改「五索」這個藝名，已收了10萬元。而Rachel亦不覺得自己走騎呢路線，她說：「我天價請他們捧紅我，內容全是裕美一手包辦，我只是做自己，不覺得有什麼騎呢。」Rachel亦完全不介意分享「致富」心得，曾教裕美怎樣釣金龜，又承認自己與何太是同一類人。
其實林作亦居於麥當勞道豪宅，林母王莉妮共持有嘉年大廈多伙，林母居住1樓及2樓複式單位，而林作則居於8樓，兩個單位購入時分別價值港幣約7000萬及約4000萬。有指由王莉妮持有的麥當勞道嘉年大廈低層100室，實用面積1,697平方呎，去年以2,780萬元連車位售出，呎價16,382元。
Like
